so mini erschte 24 stund in kanada sind verbi... naja vill han ich nanig gmacht, oepe d'helfti vo dere ziit han ich au gschlafe. huet morge bin ich mit mim schwitzer mitbewohner (wo aber kei duetsch chan) id stadt. er haet mir zeigt wo d'schuel isch und daenn bin ich z'erscht mal go en schirm chaufe... will bis jetzt haets i dene 24 stund nur eimal graegnet. ab morn soetts waetter aber schoener waerde.... (falls eu de satz irgendwie an nico errineret, isches rein zuefellig)
mini family isch ganz in ornig, eigentlich isches meh es studaente wohnheim. de ganz under stock isch fuer eus, mit eignem bad eigener chuchi, eigenem fernseh und emene eigne alte computer wo ich mich jetzy grad demit abmueh.
ja, das waers mal fuers erschte, fotis gits leider no keini, will de computer so oepis wie usb noed kaennt.
Abonnieren
Kommentare zum Post (Atom)
2 Kommentare:
dr sunneschii chunt schono... hani doch gseit gha ;)
gruess guet
villicht häsch ja bi de schuel-computer meh glück.. oder händ die us hoch-sicherheitsgründ d usb-ports deaktiviert? : )
Kommentar veröffentlichen