das isch oepe s'einzige wo ich i de letschte taeg gseh han, vill me haets zwuesched calgary und thunder bay da wo ich im momaent bin noed wuerklich. ok, winnipeg isch als einzigi groesseri stadt no de zwuesched, aber au di isch noed grad sehr spektakulaer.
suscht gfallts mer aber immer no guet da aenne, han scho jenes lueuet kaenne glernt und di letschte 5 taeg bin ich au zaemme miteme englaender underwaegs gsi. de isch daenn aber diraekt vo winnipeg uf ottawa, 30 stunde bus, das han ich mir eifach noed welle atue.
schwiiz - schwede
de kaenned er ja sicher, jede kanadier verwaechslet das die ganz ziit.... "schwiiz ja das kaenni, ihr haend ja ganz vill gueti hockey spiller i de nhl, zum bispil de peter forsberg..."
mini taktig um das missverstaendnis uf z'hebe:
bim erschte mal wird fruendlich druf higwise, dases schwiiz und noed schwede isch...
bim zweite mal wird namal fruendlich druf higwise, und abgmacht das jedi naechscht verwaechslig e zigarette choschtet...
isch bis jetzt eigentlich guet gange, nur s'problem isch, das ich jetzt daenn bald en eaxtra koffer nur fuer zigarette bruche...
schwiiz - alles guet
s'beschte wo ich i de letschte zwei wuche ueber d'schwiiz erfahre han... "i de schwiiz gits fascht kei kriminalitaet und die wenige wo im gfaengniss sind, doerfed jedes wucheaend hei." uebrigens das haet kaenn kanadier oder kaenn ami zu mir gseit, sondern en hollaender.
alberta - bier und zigi
ueberall in kanada isches verbote dine z'rauche, aber in alberta isches no es stuck haerter. mer doerf noed mal waenn mer imene restaurant verusse hockt eis rauche.
loesig: mer nimmt sis bier und ghat zwei meter naebed dra uf em trottoir eis go rauche
falsch: trottoir isch oeffentlich, und det isches wiederum noed erlaubt alkohol z'trinke
fazit: mer chan noed glichzitig rauche und es bier trinke, und ich han immer gmeint, das seg de einzig grund wieso de maensch zwei haend haet
und waenn ihr eu jetzt vilicht froeged, warum das ich so vill ziit han zum da schribe, ganz eifach ich bin da i de oeffentlich bibliothek, internet isch gratis, und es isch schoen klimatisiert, und verusse isches im momaent eifach z'heiss....
Abonnieren
Kommentare zum Post (Atom)
6 Kommentare:
Spöö,
Han echt dänkt, dass Du es bitzeli ideericher bisch, wänns ums kombiniere vo Zigignuss und Bierextase gaht. Mir händ das in Calgary wie folgt gmacht: s'Tischli mit em Jug of Beer ganz nöch a d'Abgränzig anezoge, dänn über die Abgränzig überekletteret, e Zigi azündet und wänn mer Durscht gha hät, en Schluck vom griffbereite Bier gno. Isch sogar erlaubt.
Gruess
eh spöö, dini reis hät sich gloht fuck abem holländer bini durregheit!!! das isch ja wohl de knaller!!! und alte du musch no chli längerbliebe, mir sind noni ganz vertig mit de sabine bis du zrugg bisch... au wänn mir i dämm fall dir bir schulded, wärs voll geil wänn du us anerchänig für eusi gleishcteti arbet es paar kanadischi bier mitbringe würsch...:-)
tschüssli spöö... sind ja richtigi räuberpischtolene wo du da erläbscht... machsch eigentlich au bilder? oder häsch kä digicam?
ot: ha s'xavi ticket für dich bueched...! wänn chunsch eigentlich hei? weiss das öpper!
@ gibbi; soso... wer isch dän d sabine ?! d samt schlampe ?! :-)
ja d samt schlampe...
wer isch eigentlich de nico?
spöö chunt glaub am 6. auguscht zrugg...
tschau spöö... mues der no än gruess usrichte vo dä maja gerber.... kv und so!
Kommentar veröffentlichen